DEBATI NË SVT “AGENTA”: EMIGRACIONI, IRANI DHE POLITIKAT SOCIALE NË QENDËR TË DISKUTIMIT

Në një debat të madh politik të transmetuar nga SVT, liderët e partive suedeze u përplasën për çështje të rëndësishme si emigracioni, politikat e dëbimit, marrëdhëniet ndërkombëtare dhe politikat e punësimit.

Dadgostar (V): “Kjo është politikë deportimesh”

Nooshi Dadgostar (E Majta) kritikoi ashpër politikën e emigracionit dhe tha se ajo po përdoret për të krijuar konflikt në shoqëri.

Ajo tha se:
“Kjo është një politikë deportimesh. Po flitet për njerëz që jetojnë në Suedi dhe që mund të dëbohen, për të krijuar konfliktin që dëshiron Sverigedemokraterna. Kjo sjell frikë dhe pasiguri në shkolla, fshatra dhe komunitete”.

Åkesson (SD): Duhet politikë afatgjatë

Jimmie Åkesson tha se Suedia ka nevojë për një politikë të qëndrueshme për emigracionin dhe jo rregullime të përkohshme.

Ai tha:
“Nuk duhet të bëjmë më ndryshime të vogla dhe të përkohshme. As të krijojmë “vrima” në ligje, sepse ato kanë sjellë problemet që kemi sot”.

Ai kritikoi edhe partitë e tjera, duke thënë se ato shpesh krijojnë përjashtime që e dobësojnë sistemin.

Andersson (S): “Kjo nuk është Suedia”

Magdalena Andersson (Socialdemokratët) reagoi ndaj Åkessonit dhe foli për rrezikun e dëbimit të njerëzve që punojnë.

Ajo tha:
“Të dëbosh njerëz që punojnë, që janë kolegët dhe shokët tanë të klasës, kjo nuk është Suedia. Mendoj se disa parti nuk janë të vetëdijshme për pasojat”.

Debat për sulmin ndaj Iranit

Liderët u pyetën nëse SHBA dhe Izraeli kishin të drejtë të sulmonin Iranin.

• Ebba Busch (KD) u shpreh e pavendosur. Ajo tha se e ka të vështirë ta shohë sulmin si në përputhje me të drejtën ndërkombëtare, por shtoi se edhe regjimi iranian shkel të drejtat e njeriut.
• Andersson (S), Dadgostar (V) dhe Lind (MP) thanë se sulmi ishte gabim.
• Mohamsson (L), Kristersson (M) dhe Busch (KD) abstenuan.
• Åkesson (SD) votoi se sulmi ishte i drejtë.

Emigracioni dhe të rinjtë

Në fund të debatit u fol për emigracionin dhe të rinjtë që rrezikojnë dëbimin.

• Kristersson (M) tha se politika e rreptë e emigracionit do të vazhdojë.
• Thand Ringqvist (C) propozoi që të rinjtë deri në 21 vjeç të kenë mundësi të qëndrojnë. Nëse nuk studiojnë apo nuk punojnë, atëherë duhet të dëbohen.

Propozime nga Partia e Qendrës

Thand Ringqvist (C) propozoi ndryshime të mëdha në sistemin e integrimit:

• Të hiqet SFI (gjuha suedeze për emigrantët) dhe të zëvendësohet me “suedisht për punë”.
• Të krijohen kurse të shkurtra profesionale për punësim të shpejtë.
• Të ulet taksa e punësimit dhe të bëhet pa taksë për ata që fillojnë punë.

Burimi: SVD

Link: https://www.svt.se/nyheter/inrikes/senaste-nytt-om-val-2026?inlagg=72cb842160d58abc83aa2d30e6918411