Deputeti i SD-së nën hetim – ka ndjekur nazistë dhe ka pëlqyer postimet në rrjetet sociale.

Deputeti i Sverigedemokraterna, Daniel Lönn, po hetohet nga partia pasi është zbuluar se ka pëlqyer postime antisemite dhe ndjek profile të lidhura me nazizmin në rrjetet sociale.

Një investigim i Expo zbulon se Daniel Lönn (SD) ka pëlqyer disa postime me simbolikë të theksuar antisemitike dhe ksenofobe. Një prej tyre, publikuar në dhjetor 2024, tregon një version të modifikuar të posterit të filmit Jaws, ku titulli është ndryshuar në Jews (Hebrenjtë) dhe hajen e ka zëvendësuar një hundë e madhe, ndërsa njerëzit që notojnë janë zëvendësuar me kartëmonedha 100-dollarëshe.

Një tjetër postim, i publikuar pas zgjedhjeve të vitit 2018, përmban një imazh të një gomoneje me refugjatë në det dhe një dorë që mban një gjilpërë të drejtuar drejt gomones, duke sugjeruar shpimin e saj.

Ndiqte profile të lidhura me nazizmin
Lönn gjithashtu ndjek në Instagram disa llogari të personave të lidhur me organizatën naziste Nordiska motståndsrörelsen (NMR).

Partia po shqyrton rastin
Sverigedemokraterna ka konfirmuar se po heton çështjen sipas procedurave të brendshme. Në një përgjigje me shkrim për Expo, Daniel Lönn mohon se ndjekja e këtyre profileve reflekton bindjet e tij politike dhe thotë se nuk mban mend të ketë pëlqyer postimet e përmendura.

“Sa i përket fotos nga viti 2018, nuk e njoh fare. Kanë kaluar shtatë vjet, para se të filloja karrierën time politike”, është shprehur ai për Expo.

Daniel Lönn është deputet zëvendësues në parlament, duke përfaqësuar një anëtar të rregullt të Sverigedemokraterna.