Dhjetëra të arrestuar pas dhunës në jug të Stokholmit

Rreth dhjetë persona janë arrestuar në lidhje me valën e fundit të dhunës që ka tronditur jugun e Stokholmit, sipas raportimeve nga Sveriges Radio Ekot. Sipas policisë, javët e fundit ka pasur një përshkallëzim të ndjeshëm të dhunës në kryeqytet.

“Viti 2024 ka qenë relativisht i qetë deri tani. Por, në një periudhë shumë të shkurtër kemi pasur disa incidente të rënda, kështu që padyshim ka pasur një përshkallëzim të përkohshëm,” tha Andreas Lundberg nga policia e Farstës.

Policia beson se disa nga aktet e dhunës janë të lidhura me të njëjtin konflikt të brendshëm. “Disa prej këtyre ngjarjeve e dimë që janë të lidhura dhe po hetohen bashkërisht,” shtoi Lundberg.

Vetëm një ditë më parë, ndodhi një shpërthim në zonën Gubbängen, ku i njëjti objektiv ishte sulmuar më parë. Ndërkohë, një shpërthim tjetër ndodhi në zonën Dalen, ku adresa ishte e lidhur me një lider të njohur të një rrjeti kriminal në jug të Stokholmit.