Dimri po shkurtohen ndjeshëm në Suedi

Mundësia që Suedia të ketë periudha me borë po zvogëlohet, raporton agjencia e lajmeve TT.

Sipas të dhënave nga Instituti Meteorologjik Suedez (SMHI), në disa nga 37 stacionet meteorologjike të vendit është vërejtur se dimrat, mesatarisht, janë bërë dy herë më të shkurtër gjatë pesë viteve të fundit, krahasuar me periudhën nga viti 1950 deri në vitin 2000.

Disa qytete dallohen veçanërisht për mungesën e borës. Në Västerås, Ulricehamn, Växjö, Örebro, Stokholm, Falun dhe Malung, dimrat kanë qenë më të “kafët”, pra me shumë pak ose aspak borë, se kurrë më parë.

Sipas SMHI-së, ndryshimi lidhet me rritjen e temperaturave.

“Në zonat që edhe më parë ishin në kufirin mes shiut dhe borës, sidomos në jug të Suedisë dhe përgjatë bregdetit, rritja e temperaturës bën që moti të kalojë edhe më shumë mbi zero gradë”, thotë Sverker Hellström, klimatolog në SMHI, për TT.