Diskriminim në hyrje: Djemtë me ngjyrë nuk lejohen në klubet e natës në Stokholm

Një hetim i gazetës suedeze Aftonbladet tregon se djemtë me ngjyrë nuk trajtohen njësoj si të bardhët kur përpiqen të hyjnë në klubet e natës në Stokholm.

Gazetarët organizuan një test: tre djem me ngjyrë, plotësisht esëll jo të dehur, dhe tre djem të bardhë, pak të dehur, provuan të hynin në tetë lokale nate. Rezultati ishte i qartë, djemtë e bardhë u lejuan të hynin në shtatë vende, ndërsa djemtë me ngjyrë vetëm në një.

Shpesh u tha se nuk ishin në listë, por të bardhët u lejuan pa asnjë problem, edhe pse nuk ishin në listë.

“Ne rojat ndjekim urdhrat e pronarëve”, tha një punonjës sigurie i cili donte të ishte anonim.

Disa nga klubet thanë më pas se nuk e mbështesin këtë mënyrë trajtimi dhe se duan të përmirësohen.