Domatet suedeze lihen mënjanë, janë dyfish më të shtrenjta.

Edhe pse domatet suedeze kanë më shumë shije, zgjasin më shumë dhe janë më të mira për mjedisin, shumë njerëz zgjedhin domate të importuara. Arsyeja kryesore është çmimi, domatet e huaja kushtojnë gjysmën e atyre suedeze. Këtë e raporton gazeta Nerikes Allehanda.

“Është e pamundur të konkurojmë me çmimet nga Maroku. Kur as fermerët spanjollë nuk mund ta bëjnë, si mundemi ne në Suedi”?thotë Magnus Nilsson, drejtor i Svenska Odlarlaget, organizatë që prodhon rreth 60% të domateve në vend.

Ai shton se nuk mjafton vetëm të thuash se do produkte vendase, konsumatorët duhet t’i zgjedhin ato kur bëjnë pazar.