Dousa: “Një mysliman mund të jetë po aq suedez sa Jimmie Åkesson”

Ministri suedez i ndihmës dhe tregtisë së jashtme, Benjamin Dousa, ka kritikuar deklaratën e politikanes së SD-së, Denice Westerberg, e cila tha se një mysliman besimtar nuk mund të bëhet kurrë suedez.

Në një intervistë për Aftonbladet, Dousa tha se ky qëndrim është i gabuar dhe e cilësoi deklaratën si “josuedeze”.

Sipas tij, është krejtësisht e natyrshme që një person të jetë njëkohësisht mysliman praktikues dhe suedez.

“Një mysliman në Suedi duhet të mund të jetë po aq suedez sa Jimmie Åkesson”, u shpreh Dousa.

Ai shtoi se kjo deklaratë e Westerbergut tregon me qartësi se partia e tij, Moderaterna (M), dhe Sverigedemokraterna (SD) nuk janë e njëjta parti dhe kanë qëndrime të ndryshme në këtë çështje.

Deklarata e Dousës vjen pasi Westerberg, e cila është kryetare e organizatës rinore Ungsvenskarna, tha se një mysliman besimtar nuk mund të bëhet kurrë suedez. Ministri e kundërshtoi hapur këtë mendim dhe theksoi se besimi fetar nuk e pengon askënd të jetë pjesë e shoqërisë suedeze dhe të konsiderohet suedez.

Burimi:Aftonbladet

link:https://www.aftonbladet.se/nyheter/a/RjOyQx/benjamin-dousa-slar-tillbaka-efter-denice-westerbergs-uttalande-om-muslimer

https://www.aftonbladet.se/nyheter/a/6qXnyr/sd-s-ungdomsforbund-kan-inte-vara-svensk-och-troende-muslim-samtidigt