Dy zjarre aktive në Västmanland, angazhohen helikopterë për shuarjen e flakëve

Dy zjarre pyjore kanë shpërthyer në rajonin e Västmanlandit në Suedi, duke mobilizuar forcat e shpëtimit dhe dy helikopterë për të luftuar flakët.

Njëri zjarr aktivë po djegë pyje në një zonë në veriperëndim të Surahammarit, raporton gazeta VLT. Sipas shërbimit të zjarrfikësve, bëhet fjalë për një zjarr të madh.

“Është një zjarr i fuqishëm. Duket se është djegur edhe një hambar. Ekziston rreziku që flakët të përhapen drejt një shtëpize pushimi ose një shtëpie banimi që ndodhet pranë,” tha Agneta Gustavsson, udhëheqëse e ekipit në SOS Alarm, për TV4 Nyheterna.

Ndërkohë, një tjetër zjarr ka shpërthyer edhe në afërsi të Skinnskattebergut, raporton SVT Nyheter Västmanland.

Për të ndihmuar në shuarjen e të dy zjarreve janë angazhuar dy helikopterë, të cilët po hedhin ujë mbi zonat e përfshira nga flakët.

“Dy helikopterë po kryejnë hedhjen e ujit mbi zjarrin. Era po fryn mjaft fort, prandaj do të dërgojmë edhe më shumë forca në terren. Ende nuk kemi arritur ta rrethojmë zjarrin,” deklaroi Kurt Holm, operator i qendrës së drejtimit të shërbimit të zjarrfikësve, për SVT.

Burimi: TV4/SVT/VLT

Link: https://www.tv4.se/just-nu/4x22IxI7qUdHyD3kogNe6R/stor-skogsbrand-utanfor-surahammar?utm_source=tv4.se&utm_medium=shared_link

https://www.svt.se/nyheter/lokalt/vastmanland/storre-skogsbrand-i-surahammar

https://www.vlt.se/surahammar/skogsbrand-stor-omfattning/#no_universal_links