E djelë sot dhe paralajmërime të reja për borë në bregdet dhe ishuj: “Ekziston rrezik për probleme”

Një ditë e re sjell paralajmërime të reja për borë. Të dielën, banorët në Götalandin lindor, në Öland dhe në Gotland janë përfshirë nga një paralajmërim i verdhë për borë dhe duhet të jenë të përgatitur për vështirësi.

“Pamë dje se çfarë problemesh shkaktoi reshja e borës dhe ekziston rreziku që të ndodhin të njëjtat lloj shqetësimesh edhe gjatë ditës së nesërme”, shkruan Räddningstjänsten Sydost të shtunën në mbrëmje, sipas gazetës Barometern.

Në Södermanland, paralajmërimet për borë tani kanë përfunduar. Megjithatë, gjendja e rrugëve mbetet shumë e vështirë, raporton SVT Nyheter Sörmland. Trafikverket sot ka klasifikuar disa rrugë, përfshirë E4 dhe E20, me nivel të kuq, që është një shkallë më e lartë krahasuar me ditën e djeshme.

Gjatë gjithë javës, paralajmërimet për borë kanë ardhur njëra pas tjetrës. Megjithatë, për javën e ardhshme SMHI ende nuk ka lëshuar asnjë paralajmërim të ri për borë.