E pasigurt nëse ulja e çmimit të biletave arrin të zbatohet

Brenda pak më shumë se një muaji, qytetarët suedezë duhet të mund të blejnë kartat mujore të transportit publik me gjysmën e çmimit. Por ky vendim ka befasuar si Västtrafik ashtu edhe SL, dhe ende nuk dihet si do të realizohet në praktikë, shkruajnë GP dhe Mitt i.

Sipas drejtorit të Västtrafik, Lars Backström, zakonisht një ndryshim i çmimeve kërkon rreth tre muaj për t’u përgatitur dhe zbatuar. Ai thotë se tani po shikohet çfarë mund të bëhet realisht deri më 1 korrik dhe çfarë jo.

“Do të jetë kohë e shkurtër, por na jepni disa ditë ose një javë dhe do të mund të japim një përgjigje më të mirë”, tha ai për GP.

Në Stokholm, administrata e transportit ka marrë detyrë që ta zbatojë uljen e çmimeve sa më shpejt që të jetë e mundur, thotë këshilltari rajonal i transportit, Jakop Dalunde (MP), për Mitt i. Ai paralajmëron gjithashtu se SL nuk ka pasur kohë të përgatitet për një rritje të mundshme të numrit të udhëtimeve.

“Planifikimi për një rritje të trafikut është një proces që zakonisht zgjat dy vjet, që të sigurohen mjaftueshëm mjete dhe shoferë”, tha ai.

Burimi: Mitt/GP

Link: https://www.gp.se/nyheter/vastsverige/sa-paverkas-vasttrafiks-biljetter-av-nya-beskedet.ec3bf8ee-64b5-4f21-bdb9-6628a386204a

https://www.mitti.se/nyheter/besked-om-slsankningen-vi-kommer-att-verkstalla-det-6.3.367422.bab68be5e0