Ebba Busch shpërthen ndaj Moderatëve: “Refuzoj t’u nënshtrohem”

Kryetarja e Demokratëve të Krishterë (KD), Ebba Busch, ka reaguar ashpër ndaj kritikave që kanë ardhur nga partia Moderaterna (M). Në një deklaratë për Expressen, ajo tha se partia e saj “po trajtohet në një mënyrë ndaj së cilës ajo refuzon të nënshtrohet”.

Në një intervistë për Svenska Dagbladet (SvD), Busch kishte hapur derën për një bashkëpunim të mundshëm me Socialdemokratët (S) dhe tha se, në rast të një bllokimi politik, mund të mendonte të lejonte Magdalena Andersson të bëhej kryeministre.

Kjo deklaratë shkaktoi zemërim të madh te Moderatët.

Por kritikat kanë irrituar Busch, e cila thotë se është e gatshme të “marrë përgjegjësi për Suedinë” dhe të bëjë marrëveshje me socialdemokratët nëse është e nevojshme.

Ajo akuzon Moderatët se po kërcënojnë ta “shkatërrojnë bazën e votuesve” dhe se po krijojnë përçarje e pasiguri duke folur keq për KD-në në media.

“Kjo është një mënyrë veprimi ndaj së cilës unë refuzoj të nënshtrohem,” deklaroi Busch.

Në një tjetër koment për SVT, ajo shtoi se Moderatët në disa raste “kanë vepruar në një mënyrë që nuk është në përputhje me mënyrën si punon KD”.