Editorialet e së shtunës në fokus emigracionin: Kultuara Suedeze është një kulturë që ndryshon vazhdimisht

Gazetat suedeze të së shtunës kanë në qendër të vëmendjes Suedinë, identitetin suedez dhe politikën e emigracionit.

Në gazetën SvD, Hanne Kjöller shkruan për një raport të ri, sipas të cilit shumë nxënës që ndjekin kurset SFI, pra kurset e suedishtes për emigrantët, janë kundër homoseksualitetit.

Kjöller propozon që të gjithë të sapoardhurit në Suedi të nënshkruajnë një kontratë me shtatë pika. Kontrata do të lidhej me të drejtat dhe liritë themelore, mes tyre lirinë e fesë, lirinë e shprehjes dhe lirinë e lëvizjes.

“Nëse ke problem me ndonjërën prej këtyre pikave, ndoshta Suedia nuk është vendi i duhur për ty”, shkruan Kjöller.

Edhe gazeta DI merret me çështjen e identitetit suedez. Artikulli i editorialistes Alexandra Ivanov Hökmark mban titullin: “Jam suedeze dhe e dua Suedinë”.

Ivanov Hökmark shkruan se politika suedeze për një kohë të gjatë i ka lënë pas dore çështjet që lidhen me gjuhën dhe shtetësinë. Sipas saj, politika tani ka filluar t’i trajtojë këto çështje dhe “ka arritur t’i kapë hapat”.

Megjithatë, ajo thekson se “suedeziteti” nuk është diçka që mund të ndërtohet lehtë si një projekt politik. Sipas saj, një kulturë e gjallë dhe popullore ndërtohet nga njerëzit, pra nga poshtë-lart.

“Një kulturë në ndryshim të vazhdueshëm, natyrisht suedeze dhe po aq natyrshëm e pasuruar nga ndikime të ndryshme”, shkruan ajo.

Sipas Ivanov Hökmark, për të pranuar njerëzit që vijnë në Suedi, shoqëria duhet të kuptojë të dyja anët: nga njëra anë rëndësinë e kulturës suedeze dhe nga ana tjetër ndikimet e reja që sjellin njerëzit nga vende të ndryshme.

Emigracioni është gjithashtu tema kryesore e ditës në gazetat Aftonbladet, DN dhe Expressen.

Burimi:Aftonbladet/DN/Expressen/GP/SVD/DI/Sydsvenskan

Link: https://www.aftonbladet.se/ledare/a/rrVbyl/14-aringar-i-fangelse-ar-en-dalig-lag-fran-socialdemokraterna

https://www.dn.se/ledare/en-gang-i-tiden-var-sverige-ett-land-som-tog-barn-pa-allvar/

https://www.expressen.se/ledare/patrik-kronqvist/vanstern-har-glomt-laxan-om-invandringen/

https://www.gp.se/ledare/ebba-busch-gor-kd-till-mittenparti-over-en-natt.cfba5b80-2730-42a2-a762-ead99f94b914

https://www.svd.se/a/M7aqEB/ett-kontrakt-for-dig-som-vill-bli-svensk

https://www.sydsvenskan.se/opinion/heidi-avellan/moderaterna-maste-lata-mer-som-moderater/

https://www.di.se/ledare/jag-ar-svensk-och-jag-alskar-sverige/