Editorialet suedez: Njerëzit po vdesin, ndërsa politika vazhdon fushatën

Politika e jashtme ka qenë në qendër të editorialeve të gazetave suedeze këtë të shtunë. Gazeta Sydsvenskan shkruan për krizën kufitare në enklavën spanjolle të Ceutës, ku dhjetëra mijëra migrantë mbërritën brenda vetëm një dite. Gjatë përpjekjes për të arritur atje, shumë prej tyre humbën jetën duke u mbytur.

Sipas editorialit, në Suedi ka pasur shumë reagime dhe deklarata politike për këtë ngjarje. Megjithatë, redaksia kritikon faktin se vëmendja nuk është përqendruar te katastrofa humanitare, por se tragjedia po përdoret për përplasje politike.

Në shkrim kritikohet edhe ministri suedez i Migracionit, Johan Forssell. Sipas gazetës, ai nuk i rezistoi tundimit për të përdorur situatën e emigrantëve të dëshpëruar, që kërkojnë një jetë më të mirë në Evropë, si argument në fushatën zgjedhore.

Edhe gazeta Expressen trajton krizën në Ceuta, por e vendos theksin te sistemi i Bashkimit Evropian për refugjatët. Sipas editorialit, kjo krizë tregon se marrëveshjet e përbashkëta evropiane kanë mangësi të mëdha.

Artikulli përfundon duke theksuar se problemi nuk është vetëm hipokrizia që, sipas gazetës, e ka kthyer Konventën për Refugjatët në një dokument pa vlerë praktike, por edhe fakti që Bashkimi Evropian është bërë i varur nga shtetet problematike që kontrollojnë flukset e refugjatëve.

Burimi:Aftonbladet/DN/DI/Expressen/SVD/Sydsvenksan/GP

Link: https://www.aftonbladet.se/ledare/a/oE1yAa/vi-har-visst-rad-med-30-timmarsvecka-almega

https://www.dn.se/ledare/kommunerna-bor-saga-ja-det-ar-de-aldres-halsa-som-star-pa-spel/

https://www.di.se/ledare/nya-lagen-ritar-skiljelinje/

https://www.expressen.se/ledare/60-000-migranter-avslojar-hyckleriet/

https://www.gp.se/ledare/gastkolumn/eu-gor-bilen-till-en-hypokondrisk-terminator.c7e43f90-d10b-4b84-b799-201c7df9bffc

https://www.svd.se/a/Gx6JXQ/fragan-om-existentiell-halsa-genererar-latsasarbete

https://www.sydsvenskan.se/opinion/huvudledare/manniskor-drunknar-men-forssell-tanker-mest-pa-valrorelsen/