Ekonomia suedeze u tkurr në tetor

Ekonomia e Suedisë u tkurr në muajin tetor. Sipas njoftimit të SCB, Produkti i Brendshëm Bruto (BNP) ra me 0,3% krahasuar me shtatorin.

SCB shpjegon se kjo rënie vjen si pasojë e uljes së prodhimit në biznes dhe rënies së konsumit të familjeve.

“Pas katër muajve me rritje të konsumit të familjeve, shifrat e para për tetorin tregojnë një zhvillim negativ krahasuar me muajin paraardhës”, thotë Emil Råberg, statistikan në SCB.

Megjithatë, krahasuar me tetorin e vitit të kaluar, BNP u rrit me 2,1%.