Ekonomistët suedezë: Koha për një sistem të ri tatimor në Suedi

Dy ekonomiste të njohura suedeze, Åsa Hansson dhe Ann Öberg, kërkojnë që Suedia të krijojë një sistem të ri taksash, pasi ai që përdoret sot është i vjetruar dhe nuk funksionon më si duhet. Në një artikull debatues në Svenska Dagbladet, ato e përshkruajnë sistemin aktual si “një copëz mozaiku të konsumuar” që nuk duhet të arnohet më.

Sipas tyre, sistemi i sotëm tatimor është ndërtuar për një kohë tjetër për një botë ku mallrat prodhoheshin dhe konsumoheshin në të njëjtin vend, kryesisht me kapital fizik dhe fuqi punëtore lokale. Por sot, ekonomia ka ndryshuar shumë: prodhimi, tregtia dhe puna shpesh ndodhin në vende të ndryshme dhe në mënyrë digjitale.

“Sot, mbledhja e taksave kërkon që një aktivitet të lidhet me një vend të caktuar për t’u taksuar aty,” shpjegojnë ekonomistet. Kjo, sipas tyre, nuk funksionon më në një ekonomi globale ku shumë aktivitete ndodhin në internet ose përmes kompanive ndërkombëtare.

Hansson dhe Öberg mendojnë se Suedisë i duhen rregulla të reja që nxisin konkurrueshmërinë dhe rritjen e produktivitetit. Vetëm kështu vendi mund të përballet me sfidat e ekonomisë moderne dhe të mbetet atraktiv për kompani dhe punonjës.

Rreth autoreve:

• Åsa Hansson – studiuese e taksave në Universitetin e Lundit dhe në Ratio
• Ann Öberg – drejtoreshë ekzekutive e Almega dhe doktore në ekonomi kombëtare

Burimi: SVD