Ekonomisti i SEB: “Krona po rritet, bota po sheh një Suedi më të fortë”

Monedha suedeze, krona, është tani më e forta ndër valutat kryesore në botë, diçka që ndodh shumë rrallë. Sipas ekonomistit të njohur të bankës SEB, Robert Bergqvist, kjo është shenjë që bota po e sheh Suedinë me një sy më pozitiv.

– Është krijuar një imazh i ri për Suedinë jashtë vendit, dhe ai është shumë më i mirë se më parë, thotë ai për SvD Näringsliv.

Normalisht, në kohë pasigurie, investitorët shmangin monedhat e vogla si krona dhe i drejtohen valutave më të sigurta, si dollari amerikan apo franga zvicerane. Por këtë herë po ndodh e kundërta  dhe ky është lajm i mirë për ekonominë suedeze.

“Kur forcohet krona, çmimet rriten më ngadalë, dhe kjo ndihmon në uljen e inflacionit”, thotë Bergqvist.

Rritja e vlerës së kronës është një shenjë që investitorët po i besojnë më shumë ekonomisë suedeze dhe të ardhmes së saj.