Ekspertët suedezë: Sistemet anti-dron nuk mund t’i qëllojnë dronët

Aeroportet suedeze kanë sisteme anti-dron, por ato nuk mund t’i qëllojnë dronët, thotë Hans Liwång, profesor në Shkollën e Mbrojtjes, për P4 Göteborg. Funksioni kryesor i këtyre sistemeve është të zbulojnë dronët, madhësinë dhe drejtimin e tyre, por ndalimi i tyre pa rrezikuar jetën e qytetarëve është pothuajse i pamundur.

Kryeministri suedez Ulf Kristersson ka përsëritur disa herë se aeroportet janë të pajisura me këto sisteme, pas incidentit me dronët që fluturuan mbi aeroportin e Kopenhagen të hënën mbrëma.

Alarmi me dron në Kopenhagen, çfarë ndodhi:

• Dronë të mëdhenj u vunë re mbi aeroportet e Kopenhagen dhe Oslos, duke çuar në mbylljen e hapësirës ajrore për disa orë.
• Aeroporti i Kopenhagen u rihap në 00:30, por 31 fluturime dhe 20,000 pasagjerë u prekën nga fluturimet e anuluara ose të vonuara.
• Policia daneze tha se pas dronëve kishte një aktor me kapacitete të avancuara, por nuk mundi të identifikonte kush ishte dhe po heton ngjarjen së bashku me Suedinë dhe Norvegjinë.
• Rusia mohoi çdo përfshirje, ndërsa autoritetet daneze nuk kanë akuzuar ndonjë aktor të veçantë; kryeministrja Frederiksen nuk përjashtoi asnjë mundësi.
• Në Malmö u raportuan disa alarme për dronë, por policia nuk konfirmoi praninë e ndonjë droni.
• Në Skåne, një patrullë policie vërejti një dron pranë Gårdstånga-s dhe është bërë një denoncim për shkelje të ligjit të aviacionit.