Emigracioni paralajmëron rrezik mashtrimesh me rritjen e ndihmës për rikthim

Agjencia Suedeze e Migracionit thotë se është e përgatitur për raste mashtrimi, pasi ndihma për rikthim në vendin e origjinës do të rritet ndjeshëm. Nga fillimi i vitit të ri, emigrantët që kthehen do të mund të përfitojnë deri në 350 000 korona.

Sipas Agjencisë së Migracionit, një nga detyrat kryesore do të jetë zbulimi i mashtrimeve që mund të lidhen me këtë ndihmë financiare. Autoriteti thekson se një sfidë e madhe mund të jetë rikthimi i parave, nëse persona që marrin ndihmën nuk largohen nga Suedia, por vazhdojnë të qëndrojnë në vend.

Një tjetër shqetësim është se disa persona mund të vihen nën presion nga të tjerë për të aplikuar për këtë ndihmë, edhe nëse nuk e duan vetë këtë gjë.

“Kemi vlerësuar se ekziston rreziku që njerëzit të detyrohen nga dikush tjetër të aplikojnë për këtë ndihmë”, thotë Leila Pacula Nielsen, eksperte pranë Agjencisë Suedeze të Migracionit.

Agjencia thekson se do ta ndjekë nga afër situatën, për të parandaluar mashtrimet dhe për të siguruar që ndihma për rikthim të përdoret sipas rregullave.

Burimi: Svergie Radio

Link: https://www.sverigesradio.se/artikel/migrationsverket-berett-pa-fusk-nar-atervandringsbidraget-hojs-kraftigt