Fatura e pushimeve për një javë në malet e Skandinavisë: rreth 50 000 korona

Një familje me dy fëmijë duhet të shpenzojë rreth 50 000 korona për një javë pushime me ski në male gjatë pushimeve dimërore. Kështu tregon një studim i bankës ICA, shkruan agjencia TT.

Sipas ekspertit të bankës, Magnus Hjelmér, pushimet me ski po bëhen shumë të shtrenjta dhe jo të gjithë mund t’i përballojnë. Ai thotë se kjo po kthehet në një problem social.

Shpenzimet më të mëdha janë banimi dhe biletat e ski-lifteve. Për të kursyer para, familjet këshillohen:

• të hanë më pak në restorante
• të blejnë pajisje ski të përdorura, në vend që t’i marrin me qira

Java më e shtrenjtë për pushime është java 9, kur nxënësit në Stokholm kanë pushimet dimërore.