Fillimi më i vonë i shkollës mund të sjellë miliarda për turizmin në Suedi

Suedia mund të ndjekë shembullin e Finlandës, e cila po mendon të shtyjë fillimin e vitit shkollor për të zgjatur sezonin e turizmit veror.

Profesori i turizmit, Dieter Müller, tha për radion Ekot se kjo mund të sjellë përfitime të mëdha ekonomike.

“Ka sigurisht një potencial për të rritur qarkullimin,” theksoi ai.

Sipas vlerësimeve, një verë më e gjatë do të tërhiqte më shumë vizitorë të huaj dhe do t’i sillte Suedisë rreth 5 miliardë korona shtesë në të ardhurat nga turizmi.