Fitimet nga mashtrimet në rënie – policia: “Masat po japin rezultat”

Fitimet e kriminelëve nga mashtrimet ranë me 16% gjatë vitit 2024, krahasuar me vitin e mëparshëm. Sipas një raporti të policisë, kriminelët përfituan rreth 6,3 miliardë krona, krahasuar me 7,5 miliardë një vit më parë.

Kjo është hera e parë që nga viti 2020 që fitimet nga mashtrimet bien, dhe policia beson se shkaku kryesor është puna më intensive për të luftuar këtë lloj krimi.

Mashtrimet telefonike në rënie

Rënia më e madhe është vënë re në mashtrimet përmes telefonit, ku viktimat shpesh mashtrohen për të transferuar para.

– Këtu po shohim një ulje të ndjeshme të fitimeve të kriminelëve. Arsyeja kryesore është, me shumë gjasa, paketa e masave të reja që bankat kanë zbatuar, thotë Viktor Lundberg nga Qendra Kombëtare e Mashtrimeve në Policinë Suedeze.

Policia dhe bankat suedeze kanë forcuar mbrojtjen ndaj mashtrimeve, duke përfshirë kontrolle më të rrepta në transaksionet bankare dhe ndërgjegjësim më të madh tek qytetarët.

Pavarësisht rënies, mashtrimet mbeten një burim i madh të ardhurash për krimin e organizuar. Policia paralajmëron se kriminelët mund të ndryshojnë taktikat dhe vazhdon përpjekjet për të ndaluar këtë lloj kriminaliteti.