Forssell i shqetësuar: Ligji për heqjen e shtetësisë mund të bllokohet nëse partitë e Tidö-s humbasin zgjedhjet

Ministri suedez i Migracionit, Johan Forssell (M), shpreh shqetësim se propozimi për ndryshimin e ligjit, që do të mundësonte heqjen e shtetësisë suedeze për drejtuesit e bandave kriminale që kanë shtetësi të dyfishtë, mund të mos hyjë kurrë në fuqi nëse partitë e koalicionit Tidö humbasin zgjedhjet e vjeshtës.

Në një intervistë për Ekot, Forssell tha se ekziston rreziku që ligji të ndalet pas zgjedhjeve, nëse opozita fiton dhe nuk arrin një marrëveshje për këtë çështje.

Për të miratuar ligjin, fillimisht duhet të ndryshohet Kushtetuta e Suedisë. Ky ndryshim është miratuar tashmë nga Parlamenti suedez, Riksdagu, në një votim të zhvilluar në pranverë.

Megjithatë, tre nga katër partitë opozitare, Partia e Majtë (Vänsterpartiet), Partia e Gjelbër (Miljöpartiet) dhe Partia e Qendrës (Centerpartiet)  votuan kundër ndryshimit ose zgjodhën të mos votojnë.

Sipas Forssell, qëndrimi i këtyre partive tregon se propozimi përfundimtar i ligjit mund të mos miratohet nëse opozita fiton zgjedhjet e ardhshme.

“Ata duhet të bien dakord. Përndryshe, ky ligj nuk do të arrijë kurrë as në parlament”, tha Johan Forssell për Ekot.

Burimi: Sverigesradio

Link:https://www.sverigesradio.se/artikel/forssell-lag-mot-gangledare-kan-stoppas-efter-valet