Forssell: Ndryshimi i udhëzimeve të OKB-së është një hap i rëndësishëm

Ministri suedez i Migracionit, Johan Forssell, ka deklaruar se ndryshimi i udhëzimeve të OKB-së për zbatimin e Konventës për Refugjatët është një zhvillim me rëndësi të madhe. Sipas raportimit të SVT Nyheter, ky ndryshim erdhi pas përpjekjeve dhe presionit të vazhdueshëm të ministrit suedez.

Çështja mori vëmendje të gjerë pas vendimit të Gjykatës së Apelit në rastin e përdhunimit të Meya Åberg në Skellefteå. Vendimi shkaktoi reagime të forta në Suedi dhe u pasqyrua edhe në mediat ndërkombëtare, pasi gjykata vlerësoi se autori i përdhunimit nuk mund të dëbohej nga vendi, duke iu referuar udhëzimeve të OKB-së për mbrojtjen e refugjatëve.

Gjatë muajve të pranverës, Forssell ka kërkuar vazhdimisht që këto udhëzime të ndryshohen, në mënyrë që personat e dënuar për përdhunim të mund të dëbohen edhe në rastet kur gëzojnë statusin e refugjatit.

“Ne kemi arritur të sigurojmë mbështetjen e shumë shteteve anëtare dhe ta bindim UNHCR-në të ndryshojë mënyrën e zbatimit të Konventës. Mendoj se kjo është shumë e rëndësishme”, tha ministri Johan Forssell në një deklaratë për SVT.

Burimi: SVT

Link:https://www.svt.se/nyheter/inrikes/efter-uppmarksammade-domen-for-valdtakt-pa-meya-fn-andrar-sina-riktlinjer