Forssell: Ventili për dëbimet e adoleshentëve do të jetë gati këtë pranverë

Qeveria suedeze ka thënë se brenda disa muajsh, para verës, do të vendoset një “ventil” ligjor për adoleshentët që rrezikojnë dëbimin. Këtë e tha Johan Forssell , ministri i Migracionit, për gazetën Aftonbladet.

“ Dua të siguroj se nuk po e zvarrisim këtë çështje. Po punojmë ditë e natë për ta bërë një zgjidhje që funksionon dhe që qëndron në kohë”, tha ai.

“Ventili” është pjesë e marrëveshjes së Tidö dhe synon të ndalojë dëbimet e adoleshentëve që kanë lidhje të forta me Suedinë.

Të mërkurën, Riksdag rrëzoi me vetëm një votë një mocion të Miljöpartiet dhe   Vänsterpartiet që kërkonte ndalimin e të gjitha dëbimeve të adoleshentëve, edhe të atyre vendimeve që tashmë është marrë një vendim.

Çfarë po ndodh me dëbimet e adoleshentëve

• Më 6 mars 2026, partitë e marrëveshjes Tidö ranë dakord të pezullojnë dëbimet derisa të bëhet një ndryshim ligjor me “ventil” për të rinjtë që kanë lidhje të forta me vendin.
• Ky vendim erdhi pas një debati të gjatë politik, mocioneve të rrëzuara të opozitës dhe kritika nga opozita, bizneset dhe disa pjesë të partive qeveritare.
• Migrationsverket tha se rastet aktuale të dëbimit do të pezullohen, pasi ndryshimi i ligjit pritet të ndihmojë të rinjtë e prekur.
• Opozita e mirëpriti këtë vendim, por kërkoi që dëbimet që tashmë janë vendosur të ndalen gjithashtu, ndërsa partitë e Tidö duan të vazhdojnë hetimet për mundësinë e lejeve të përhershme të qëndrimit.
• Sindikatat dhe kompanitë e teknologjisë paralajmëruan se dëbimet mund të dëmtojnë fuqinë punëtore dhe ekonominë e Suedisë, gjë që rriti presionin mbi qeverinë.

Ky “ventil” pritet të jetë një zgjidhje ligjore që mbron të rinjtë me lidhje të forta me Suedinë dhe, njëkohësisht, i jep qeverisë kohë për të vendosur rregulla të qarta për qëndrimin e tyre.

Burimi: Aftonbladet/TT/Omni/SVD

Link: https://www.aftonbladet.se/nyheter/a/Rjz5Gd/forssell-om-ventil-for-tonarsutvisningarna-ska-ske-under-varen

https://tt.omni.se/krav-pa-stopp-for-alla-tonarsutvisningar-fick-nej/a/QJMgrV

https://www.aftonbladet.se/nyheter/a/K8M3r4/tonaringarna-utvisas-trots-kristerssons-lofte

https://www.svd.se/a/3pMp4P/mp-och-v-vill-stoppa-fler-tonarsutvisningar