Frikë për përplasje të armatosur mes dy bandave në Vänersborg

Policia suedeze paralajmëron për një konflikt të mundshëm të dhunshëm mes bandave motoriste Bandidos dhe Brödraskapet Wolfpack në qytetin Vänersborg.

Sipas TV4 Nyheterna, të dyja grupet kanë thirrur përforcime nga qytete të tjera dhe kanë sjellë qen roje. Policia ka informacione se ata po armatosen, gjë që rrit rrezikun për përplasje.

Tensionet janë shtuar pas një rrahjeje brutale në fund të korrikut, ku një anëtar i Wolfpack-it u sulmua dhe iu pre një vesh.

Policia e quan situatën “shumë të tensionuar” dhe nuk përjashton dhunë të re në ditët e ardhshme.

Burimi: TV4