Fundjava sjell mot pranveror në Suedi, temperaturat deri në 15 gradë

Këtë fundjavë, disa pjesë të Suedisë pritet të përjetojnë mot të ngrohtë pranveror. Sipas meteorologes së TV4, Ulrika Elvgren, temperaturat do të rriten ndjeshëm, sidomos gjatë ditës së shtunë, e cila pritet të jetë dita më e ngrohtë, veçanërisht në jug të vendit.

Të dielën, ajri i ngrohtë do të zhvendoset drejt jugut të Norrland-it, duke sjellë temperatura më të larta edhe në ato zona.

Sipas parashikimeve, temperaturat mund të arrijnë në 13 deri në 14 gradë, madje në disa raste mund t’i afrohen edhe 15 gradëve.

Megjithatë, ekspertët këshillojnë kujdes për ata që planifikojnë të ndërrojnë gomat e dimrit me ato të verës. Gjatë natës, temperaturat pritet të zbresin rreth zeros, dhe në disa zona madje mund të bien edhe nën zero. Kjo mund të krijojë kushte të rrezikshme në rrugë.

Burimi: TV4/ Aftonbladet

Link: https://www.tv4.se/artikel/gKfuCXHlWKtJPb385s62U/meteorologens-uppmaning-naer-varmluftsbubblan-intar-sverige

https://www.aftonbladet.se/nyheter/a/43BJ2a/varvader-till-helgen-tvasiffrigt-och-stralande-sol