Gjendja e hekurudhave në Suedi : 200 defekte raportohen çdo ditë

Gjendja e hekurudhave në Suedi po përkeqësohet me një ritëm alarmues. Sipas një hetimi nga SVT Nyheter, çdo ditë raportohen mesatarisht 200 probleme teknike, ndërsa infrastruktura po konsumohet më shpejt sesa Trafikverket (Autoriteti i Transportit) arrin ta mirëmbajë.

Gjatë vitit 2023, u regjistruan gjithsej 73,649 dëmtime – shifra më e lartë e raportuar në disa vite.

“Hekurudha është në gjendje të keqe. Ka shumë pjesë të lëna pas dore që duhej të ishin zëvendësuar prej kohësh,” thotë Håkan Englund, kryetar i sindikatës SEKO për punëtorët hekurudhorë në Infranord, për SVT.

Në raportet e saj, Trafikverket thekson nevojën për një “ndryshim radikal” dhe paralajmëron se rreziku për probleme të papritura dhe ndalesa të pa planifikuara po rritet. Ekspertët kërkojnë investime urgjente për të shmangur një krizë të thellë në transportin hekurudhor.