Gjithnjë e më pak punëtorë në BE kanë mundësi për pushime

Gjithnjë e më shumë njerëz që punojnë në vendet e Bashkimit Evropian nuk kanë mundësi të shkojnë as për një javë pushime. Kjo quhet “varfëri pushimesh”, dhe do të thotë se edhe pse punon, nuk ke para të mjaftueshme për të marrë një javë pushim me pagesë.

Sipas të dhënave nga Eurostat që janë analizuar nga Sindikata Evropiane, në vitin 2023 rreth 41.4 milionë punëtorë në BE nuk kishin mundësi të përballonin një javë pushimi. Kjo është rreth 15% e të gjithë punëtorëve dhe numri është rritur me më shumë se një milion krahasuar me vitin 2022.

Situata më e rëndë është në Rumani, ku një në tre punëtorë nuk ka mundësi të shkojë me pushime. Ndërsa në Suedi, kjo shifër është më e ulët, vetëm 5% e punëtorëve janë në këtë situatë.

Sindikata Evropiane thotë se është e padrejtë që miliona njerëz që punojnë fort gjatë vitit, nuk kanë mundësi të pushojnë as për një javë. Ata kërkojnë që qeveritë dhe punëdhënësit të përmirësojnë kushtet e jetesës dhe pagat.