Gjithnjë e më shumë banesa po shiten nën çmimin fillestar

Tregu i pasurive të paluajtshme ka pësuar ndryshime të mëdha në vitet e fundit. Këtë e ka bërë të ditur analisti i tregut në kompaninë Hemnet, Erik Holmberg, në një deklaratë për agjencinë suedeze të lajmeve TT.

Sipas të dhënave të fundit, gjithnjë e më shumë prona po shiten nën çmimin e shpallur fillimisht. Aktualisht, 34% e apartamenteve dhe 38% e shtëpive individuale po shiten me një çmim më të ulët se ai i vendosur në shpallje.

Holmberg shpjegon se një nga arsyet kryesore është se agjentët imobiliarë dhe shitësit po vendosin përgjithësisht çmime fillestare më të larta se më parë. Si pasojë, procesi i ofertës nuk zhvillohet vetëm me oferta që e rrisin çmimin e pronës, por shpesh përfshin edhe negociata dhe oferta që e ulin atë.

Sipas analistit, kjo tregon se tregu i banesave ka ndryshuar ndjeshëm krahasuar me vitet e kaluara, kur shumica e pronave shiteshin mbi çmimin fillestar pas një gare ofertash mes blerësve.

Burimi: Omni/TT/maklarstatistik

Link:https://www.maklarstatistik.se/pressmeddelanden/okande-priser-pa-bade-bostadsratter-och-villor-i-maj/#:~:text=Priserna%20på%20bostadsrätter%20i%20riket,senaste%20mätningarna%20från%20Svensk%20Mäklarstatistik.

https://tt.omni.se/darfor-saljs-fler-lagenheter-under-utgangspriset/a/QJj9eJ