Gjithnjë e më shumë të rinj kanë gjetur banesë për vete

Gjithnjë e më shumë të rinj në Suedi kanë arritur të gjejnë një banesë për vete gjatë viteve të fundit, tregon një raport nga Shoqata e Qiramarrësve (Hyresgästföreningen), shkruan agjencia TT.

Arsyeja kryesore është se në mesin e viteve 2010 u ndërtua shumë, në një kohë kur normat e interesit ishin të ulëta.

Megjithatë, 21% e të anketuarve thonë se ende jetojnë në shtëpinë e prindërve, dhe shumica prej tyre e bëjnë këtë kundër dëshirës së tyre dhe të prindërve.

“Edhe prindërit duan që fëmijët e tyre të largohen nga shtëpia dhe të fillojnë jetën e tyre si të rritur,” thotë Ola Palmgren, nënkryetar i Hyresgästföreningen.

E ardhmja është e pasigurt, shton Palmgren, pasi ndërtimet e reja janë në nivele shumë të ulëta dhe apartamentet e sapo ndërtuara janë tepër të shtrenjta.