Goditja e vjeshtës, energjia elektrike dyfish më e shtrenjtë.

Këtë vjeshtë, familjet dhe bizneset në Suedi duhet të llogarisin me fatura më të larta të energjisë. Kompania energjetike Bixia parashikon se çmimet e energjisë elektrike do të pothuajse dyfishohen krahasuar me vjeshtën e kaluar.

Sipas vlerësimeve, çmimi mesatar për periudhën shtator–nëntor do të jetë pak më poshtë se 50 öre për kilovat-orë, ndërsa në vjeshtën e vitit 2024 ishte vetëm 30 öre.

Arsyeja kryesore, sipas Bixia, është prodhimi më i ulët në centralet bërthamore dhe mungesa e ujit në rezervuarët hidroenergjetikë.

“Çmimet e energjisë këtë vjeshtë janë të qëndrueshme, por dukshëm më të larta se vitin e kaluar. Pasiguria më e madhe lidhet me energjinë bërthamore, pasi centrali Oskarshamn 3 ka qenë jashtë funksionit më gjatë se sa ishte planifikuar. Në të njëjtën kohë, balanca hidrologjike nuk është rikuperuar pas mungesave të verës, edhe pse vjeshta ka nisur me reshje të shumta”,  shpjegon Johan Sigvardsson, analist i çmimeve të energjisë në Bixia.

Megjithatë, çmimet janë ende shumë më të ulëta krahasuar me vjeshtën e vitit 2022, kur mesatarja ishte mbi 1,15 korona për kilovat-orë dhe pati periudha kur çmimi u rrit deri në 4 korona.

Burimi: Aftonbladet