Gripi i shpendëve në Danimarkë. 115 mijë pula do të asgjësohen.

Gripi i shpendëve vazhdon të përhapet dhe të shkaktojë pasoja të rënda. Të shtunën, 115 000 pula do të asgjësohen në një fermë në rajonin e Sydsjælland, pasi është konfirmuar prania e virusit. Lajmi është raportuar nga agjencia daneze e lajmeve Ritzau.

Autoritetet kanë marrë vendimin për asgjësimin e të gjitha pulave në fermë me qëllim që të ulin rrezikun e përhapjes së sëmundjes te shpendët e tjerë. Si masë sigurie, është vendosur një zonë mbrojtëse rreth fermës që ndodhet në qytetin Naestved.

Gripi i shpendëve rrallëherë prek njerëzit, por autoritetet u bëjnë thirrje qytetarëve të tregojnë kujdes. Ata këshillohen të mos prekin shpendë që duken të sëmurë dhe që mund të gjenden në natyrë.

Burimi: Aftonbladet direkt