Hendeku i të ardhurave mes grave dhe burrave ulet me 0,4 pikë përqindjeje

Gratë në Suedi kishin të ardhura të disponueshme 21,6% më të ulëta se burrat në vitin 2024. Megjithatë, diferenca mes tyre është zvogëluar krahasuar me një vit më parë.

Sipas një raporti të ri nga Instituti i Ndërmjetësimit në Suedi (Medlingsinstitutet), të ardhurat e disponueshme të grave ishin 21,6% më të ulëta se ato të burrave gjatë vitit 2024.

Krahasuar me vitin 2023, diferenca është zvogëluar me 0,4 pikë përqindjeje.

Raporti tregon gjithashtu se hendeku në paga është ngushtuar gjatë viteve të fundit. Në periudhën nga 2010 deri në 2024, diferenca e pagave mes grave dhe burrave u zvogëlua me 1,9 pikë përqindjeje.

Megjithatë, ndryshimet në të ardhura nuk janë të njëjta në të gjitha pjesët e Suedisë.

Diferenca më e madhe mes të ardhurave të grave dhe burrave u regjistrua në qarkun e Stokholmit. Ndërsa diferenca më e vogël u regjistrua në Gotland.

Të dhënat tregojnë se, edhe pse hendeku mes grave dhe burrave është ngushtuar me kalimin e viteve, ende ekzistojnë dallime të konsiderueshme në të ardhura në varësi të gjinisë dhe vendit ku jetojnë njerëzit.

Burimi: MI/SCB

Link: https://www.mi.se/app/uploads/inkomstskillnaden-mellan-kvinnor-och-man-2024.pdf

https://www.scb.se/hitta-statistik/statistik-efter-amne/hushallens-ekonomi/hushallens-inkomster-tillgangar-och-skulder/inkomster-och-skatter/pong/statistiknyhet/preliminar-manatlig-inkomststatistik-2026m04-2026m06/