Hiqet taksa e qeseve plastike: Suedezet të ndarë mbi vendimin

Nga nesër, çmimi i qeseve plastike në Suedi do të bjerë nga 6.90 në rreth 4 korona, pas vendimit për heqjen e taksës së shumëdebatuar për qeset plastike. Mirëpo, vendimi ka ngjallur reagime të ndryshme në publik, duke ndarë qytetarët në mendime të ndryshme.

Darin, një 20-vjeçar që ndodhej në qytet, e priti me skepticizëm lajmin. “Nuk mendoj se ka ndikuar fare në jetën e askujt të blejë qese letre në vend të qeseve plastike,” tha ai për Aftonbladet.

Nga ana tjetër, disa qytetare e shohin këtë vendim si një hap prapa në përpjekjet për mbrojtjen e mjedisit. Në një intervistë për P4 Kronoberg, Meira Chalom dhe Nellie Ax theksuan se heqja e taksës nuk sjell ndonjë përfitim mjedisor. “Ndoshta nuk është një ndryshim i madh, por sërish ndikon nëse ulim përdorimin e plastikës,” argumentoi Meira Chalom.

Ndërkohë, Mattias Åkesson, një tjetër qytetar, e mirëpriti heqjen e taksës. “Mjedisi është i rëndësishëm, por mendoj se kjo është tepruar me vendosjen e taksës për qeset plastike. Nuk kam ndërmend të blej më shumë qese plastike për këtë arsye,” deklaroi ai.

Vendimi për heqjen e taksës vjen pas një periudhe të gjatë debatesh për efektet e saj reale në reduktimin e përdorimit të plastikës dhe ndikimin në jetën e përditshme të qytetarëve.

Burimi:Omni