I ngrohti Pranverore Rikthehet në Suedi. Pas një periudhe të gjatë të ftohtit dimëror, temperaturat pranverore pritet të përfshijnë pjesë të mëdha të Suedisë javën e ardhshme.

Vala e ftohtë që ka mbizotëruar në Suedi gjatë ditëve të fundit do t’i lërë vendin ngrohtësisë pranverore, e cila pritet të përhapet në të gjithë vendin, sidomos në rajonet jugore dhe qendrore. Sipas parashikimeve nga TV4 Nyheterna, erërat e ngrohta nga jugperëndimi do të sjellin temperatura që do të kalojnë dhjetë gradë në Götaland dhe Svealand, duke filluar nga e marta ose e mërkura e javës së ardhshme.

“Ka edhe shumë diell, kështu që me siguri do të ndihet këndshëm,” u shpreh meteorologia e TV4, Elisabeth Danielson, duke theksuar se moti i ngrohtë do të shoqërohet me diell të shumtë, duke krijuar kushte ideale për një atmosferë pranverore.

Ngrohtësia pritet të zgjasë për të paktën një javë në pjesët jugore të vendit, duke sjellë lehtësim për shumë qytetarë pas të ftohtit të zgjatur.

Edhe rajonet më veriore të Suedisë do të përjetojnë një ndryshim të ndjeshëm të temperaturave. Në jugun dhe veriun e Norrlandit, temperaturat nën zero pritet të zëvendësohen me një deri në dy gradë mbi zero.

Ky ndryshim i motit vjen si një shenjë e qartë e afrimit të pranverës dhe shumë njerëz mezi po presin të përfitojnë nga kjo periudhë më e ngrohtë.