Industria kërkon rritje pagash prej 7.4% për dy vitet e ardhshme

Sindikatat e industrisë në Suedi kërkojnë një rritje pagash prej 7.4% për periudhën e ardhshme dyvjeçare, duke e përgatitur terrenin për negociatat e reja të kontratave të punës. Kërkesa është paraqitur nga përfaqësuesit e sindikatave kryesore, përfshirë Livs, Unionen, Sveriges Ingenjörer, IF Metall dhe GS, përmes një artikulli në DN Debatt.

“Qëllimi ynë është të sigurojmë rritje të pagave reale për punonjësit. Kërkesa jonë për pagat është në përputhje me objektivin e inflacionit, duke krijuar një bazë të qëndrueshme për rritje reale në vitet që vijnë,” theksojnë sindikalistët.

Përveç rritjes së pagave, një tjetër kërkesë e rëndësishme nga ana e tyre është edhe vazhdimi i shkurtimit të orarit të punës – një masë që synon përmirësimin e mirëqenies së punonjësve.

Përfaqësuesit e Debatit:

•Eva Guovelin, kryetare e sindikatës Livs

•Peter Hellberg, kryetar i sindikatës Unionen

•Ulrika Lindstrand, kryetare e sindikatës Sveriges Ingenjörer

•Marie Nilsson, kryetare e sindikatës IF Metall

•Per-Olof Sjöö, kryetar i sindikatës GS

Ky propozim thekson vendosmërinë e sindikatave për të mbrojtur standardin e jetesës së punonjësve të industrisë dhe për të garantuar një rritje të qëndrueshme ekonomike përballë inflacionit të vazhdueshëm.