Inflacioni në Suedi ra në qershor, ndikuan çmimet më të ulëta të ushqimeve

Inflacioni në Suedi u ngadalësua në muajin qershor, ashtu siç ishte parashikuar. Sipas shifrave paraprake të publikuara nga Enti Shtetëror i Statistikave të Suedisë (SCB), inflacioni i matur me treguesin KPIF arriti në 1,3% në bazë vjetore. Në muajin maj, kjo normë ishte 1,5%.

Edhe analistët e Infront kishin parashikuar që inflacioni për qershorin do të ishte 1,3%.

Sipas Mikael Nordin, statistikan i çmimeve në SCB, ulja e inflacionit në qershor erdhi kryesisht si rezultat i rënies së çmimeve të ushqimeve dhe kostove të transportit.

Në treguesin KPIF nuk përfshihen efektet e normave të interesit të kredive hipotekare. Ky është treguesi që përdor Banka Qendrore e Suedisë (Riksbank), e cila synon që inflacioni të mbahet në nivelin 2% në vit.

Ndërkohë, inflacioni i matur me treguesin KPI ishte 0,7% në qershor, duke shënuar rënie nga 0,8% që ishte regjistruar në muajin maj.

Burimi:SCB

Link: https://www.scb.se/hitta-statistik/statistik-efter-amne/priser-och-ekonomiska-tendenser/priser/konsumentprisindex-kpi/pong/statistiknyhet/snabb-kpi-juni-2026/