Kaos në aeroportin Arlanda, çift i vonuar u arrestua pasi sulmoi portën e imbarkimit.

Një situatë e pazakontë ndodhi të dielën paradite në aeroportin Arlanda të Stokholmit, kur një çift pasagjerësh që kishin mbërritur me vonesë te porta e imbarkimit shkaktuan kaos.

Sipas zëdhënëses së policisë, Rebecca Landberg, pasagjerët filluan të tërhiqnin me forcë të gjitha dyert dhe të shtypnin të gjithë butonat. Ata arritën të zbrisnin pa leje deri te porta e avionit dhe madje aktivizuan edhe një alarm zjarri.

Pavarësisht përpjekjeve të tyre, çifti nuk u lejua të hipte në avion. Në vend të kësaj, ata u arrestuan nga policia nën dyshimet për hyrje të paligjshme dhe alarm të rremë.

“Është një rast i çuditshëm. Unë vetë nuk kam përjetuar ndonjëherë që dikush të bëhet kaq i dëshpëruar për të kapur një fluturim,” u shpreh Landberg.

Burimi: Aftonbladet