Kaos në Aeroportin Arlanda, probleme me sistemin e Ryanair: Qindra pasagjerë humbën fluturimet

Problemet në sistemin e kompanisë ajrore Ryanair shkaktuan vonesa të mëdha gjatë regjistrimit (check-in) në Aeroportin Arlanda, të mërkurën në mëngjes. Sipas gazetës suedeze Aftonbladet, vonesat bënë që shumë pasagjerë të mos arrinin të hipnin në avionët e tyre.

Mes tyre ishte edhe Anette Blank, e cila kishte planifikuar të udhëtonte drejt ishullit të Kretës në Greqi. Ajo tha se situata ishte shumë e rëndë.

“Me siguri rreth 200 persona e humbën këtë fluturim”, u shpreh ajo.

Edhe Johannes Stenberg nuk arriti të kapte fluturimin e mëngjesit drejt Greqisë. Duke folur për gazetën Expressen, ai përshkroi skena kaotike në aeroport.

“Valixhet po hidheshin sa andej-këndej dhe stresi ndihej kudo. Ka jashtëzakonisht shumë njerëz dhe situata është krejtësisht kaotike”, tha ai.

Burimi: Expressen/Aftonbladet

Link: https://www.aftonbladet.se/nyheter/a/aJKJ04/plan-lamnade-utan-resenarer-vet-inte-vad-som-hander-nu

https://www.expressen.se/nyheter/sverige/bagagekaos-pa-arlanda-varldens-haveri/