Kodi sekret në patentën suedeze, mos e jepni kurrë.

Në patentën suedeze të drejtimit ekziston një kod sekret, i quajtur numër reference, të cilin nuk duhet ta jepni kurrë askujt. Ky numër është i mbrojtur nga ligji për sekretin dhe transparencën publike.

Çdo patentë ka disa fusha me të dhëna. Shumica janë të kuptueshme, si emri, mbiemri, data e lindjes dhe datat e vlefshmërisë së patentës. Por rreshti 4d, ku ndodhet numri i referencës, nuk është i njohur për shumë persona. Ky është një numër unik që lidhet me Agjencinë Suedeze të Transportit (Transportstyrelsen). Me anë të tij mund të verifikohet nëse patenta është e vërtetë apo e falsifikuar dhe kush është pronari i saj.

Transportstyrelsen paralajmëron se ky informacion është i ndjeshëm dhe duhet ruajtur.

“Numri i referencës është unik për çdo patentë suedeze. Ai gjendet në të gjitha patentat, madje edhe në ato për moped (AM). Ka 9 shifra dhe nuk duhet dhënë asnjë personi tjetër,” shkruan institucioni.

Ndërkohë që Suedia ka një traditë të gjatë transparence,  madje edhe regjistri i automjeteve është publik, ky numër i patentës mbetet i mbrojtur nga sekret.

“Sekreti vlen për të dhënat mbi numrin e referencës së patentës, përveç rasteve kur është e qartë se publikimi nuk rrezikon kontrollin e autenticitetit të saj,” thuhet në ligj.

Patenta e re me hologram për siguri më të lartë

Që nga 1 janari i këtij viti, janë lëshuar patenta të reja me hologram, për të rritur mbrojtjen ndaj falsifikimit.

“Teknologjia ecën përpara dhe është normale që ne të përditësojmë rregullisht sigurinë, për ta bërë më të vështirë falsifikimin,” shpjegon Peter Andersson, nga sektori i zhvillimit të patentave.

Patentat e vjetra mbeten të vlefshme.

“Ato janë të vlefshme deri në datën e skadimit që është shënuar në dokument. Do të zëvendësohen gradualisht, kur qytetarët të rinovojnë patentën,” shton Andersson.

Si të lexoni patentën tuaj (ana e përparme)

1. Mbiemri
2. Emri
3. Data e lindjes dhe vendi i lindjes (shënohet me vizë “–”)
   4a. Data e lëshimit
   4b. Data e skadimit
   4c. Autoriteti që e lëshon
   4d. Numri i referencës – unik dhe i lidhur me Transportstyrelsen, nuk jepet sipas ligjit të sekretit
4. Numri i patentës (personnummer ose samordningsnummer)
5. Foto
6. Nënshkrimi
7. Kategoritë e drejtimit

Kategoritë e patentës (ana e pasme)

• AM – për moped klasa 1 dhe A-traktor (nga 15 vjeç)
• A1 – motoçikleta të lehta deri 125 cc (nga 16 vjeç)
• A2 – motoçikleta mesatare deri 35 kW (nga 18 vjeç)
• A – motoçikleta të rënda (nga 24 vjeç ose nga 20 vjeç nëse ke A1 për 2 vjet)
• B1 – kartë e re për moped/A-traktor (nga 15 vjeç)
• B – makina dhe furgonë deri 3,5 ton + rimorkio 750 kg (praktikë nga 16 vjeç, provim nga 18 vjeç)
• C1 – kamionë mesatarë deri 7,5 ton + rimorkio 750 kg (nga 18 vjeç)
• C – kamionë të rëndë (nga 21 vjeç, ose 18 me shkollim transporti)
• D1 – autobusë mesatarë deri 8 m dhe max 16 pasagjerë
• D – autobusë pa kufizim pasagjerësh + rimorkio të lehtë
• BE – makina me rimorkio të rëndë deri 3,5 ton
• C1E – kamionë mesatarë deri 12 ton (me C1 më parë, nga 18 vjeç)
• CE – kamionë me tonazhë të rëndë me rimorkio të rëndë (pa kufizim peshe, kërkon C1)
• D1E – autobus mesatar + rimorkio e rëndë, max 16 pasagjerë (nga 21 vjeç ose 18 me shkollim teknik)
• DE – të gjitha llojet e autobusëve me rimorkio të rëndë