Kontrolle më të ashpra për të papunët – Rrezikojnë të humbasin a-kassan

Punëkërkuesit në Suedi do të përballen me kontrolle më të rrepta nga Zyra e Punësimit. Ministri i tregut të punës, Mats Persson (L), njoftoi të enjten se mbikëqyrja do të forcohet për të siguruar që ata që marrin ndihmë nga a-kassa të jenë aktivë në kërkimin e një pune.

“Sistemi është sot shumë i dobët,” deklaroi ai në një konferencë për shtyp dhe theksoi nevojën për masa më të ashpra.

Sipas rregullave të reja, punëkërkuesit do të duhet të zgjerojnë fushën e tyre të kërkimit, si në aspektin profesional ashtu edhe gjeografik. Ata që nuk ndjekin këtë udhëzim rrezikojnë të humbasin ndihmën nga a-kassa.

Kontrollet e reja do të hyjnë në fuqi nga prilli dhe pritet të ndikojnë mijëra punëkërkues në të gjithë vendin.