Kopenhagen ndalon ndotjen nga makinat, një hap me përpara nga Suedia

Kryeqyteti i Danimarkës ka marrë një vendim historik për mjedisin. Këshilli i qytetit në Kopenhagen ka miratuar krijimin e një zone pa ndotje nga makinat në qendër të qytetit, në lagjen Indre Vesterbro.

Vendimi u mor javën e kaluar dhe synon të ndalojë hyrjen e makinave që lëshojnë gazra e tym të dëmshëm.

Si do të zbatohet masa:

• Nga viti 2027, makinat private që vijnë nga jashtë nuk do të lejohen në zonë. Banorët e lagjes do të kenë përjashtim.
• Nga viti 2028, ndalimi do të vlejë edhe për furgonët dhe mjetet e transportit të mallrave.

Sipas një studimi, kjo masë pritet të ulë ndotjen nga makinat me rreth 17 mijë tonë në vit. Përveç kësaj, ajri do të jetë më i pastër, do të ketë më pak zhurmë dhe më pak pluhur nga trafiku.

Përse është e rëndësishme:

• Kjo është zona e parë e tillë në Danimarkë dhe një nga më të guximshmet në Evropë.
• Ekspertët thonë se vendimi do të nxisë shumë njerëz të kalojnë në makina elektrike.
• Disa parti politike ishin kundër, duke thënë se ndalimi mund të sjellë më shumë trafik në rrugët përreth.

Danimarka përpara Suedisë

Ndërsa Suedia ende nuk ka vendosur zona pa ndotje nga makinat në qytetet e saj, Kopenhagen ka bërë hapin e parë konkret. Ky hap e çon Danimarkën më pranë objektivit për një qytet më të pastër dhe më të shëndetshëm.