Kristersson e quajti Rusinë “xhuxh” , reagon shoqata e personave kortväxta ”Të shkurtër”

Kryeministri suedez, Ulf Kristersson, e përshkroi Rusinë si “një xhuxh ekonomik me armë bërthamore” në një intervistë për SvD. Ai u pyet se si ndikimi kritik i presidentit Donald Trump ndaj Rusisë mund të ndikojë tek presidenti rus.

• “Shumë e vështirë për t’u thënë. Ekonomia është dobësia e tyre më e madhe. Sa më shumë të mundemi ta zvogëlojmë ekonominë e tyre, aq më mirë,” tha Kristersson.

Deklarata ka shkaktuar reagime nga Monika Dahlqvist, kryetare e Shoqatës së personave kortväxta “të shkurtër”, e cila u shpreh e befasuar:

• “Një xhuxh është një krijesë e përrallave. A do të thotë Kristersson që Rusia nuk ekziston në të vërtetë? Jo, e kuptoj që përdor fjalën për ta nënvlerësuar Rusinë. Por fakti që e përdor vetë normalizon fjalën,” tha ajo për Aftonbladet.

Ajo shtoi se Kristersson duhet të përfaqësojë Suedinë dhe të jetë një shembull:

• “Nëse do të kishte përdorur fjalën ‘tetraplegjik’ ose do të thoshte që Rusia ka sindromën Down, shumë njerëz do të reagonin ndryshe.”