Kristersson: Hetimi për racizëm në lokale është shqetësues

Kryeministri i Suedisë, Ulf Kristersson, ka reaguar pas hetimit të gazetës Aftonbladet, e cila ka zbuluar raste ku njerëz nuk janë lejuar të hyjnë në lokale për shkak të origjinës apo ngjyrës së lëkurës.

“Më duket shumë serioze. Kjo nuk duhet të ndodhë”, tha Kristersson në një konferencë për shtyp të martën.

Ai shtoi se, sipas dijenisë së tij, kjo mënyrë veprimi është e paligjshme dhe nëse është një problem i përhapur, atëherë duhet patjetër të merren masa për ta ndalur.