Kristersson i afrohet Andersson në besimin e votuesve. Ja si janë matjet më të fundit nga sondazhi Në Suedi?

Votuesit në Suedi po humbasin besimin te liderja e Socialdemokratëve, Magdalena Andersson, ndërsa besimi për liderin e Moderatëve, Ulf Kristersson, është rritur. Kjo tregohet nga matja më e fundit e bërë nga SVT/Verian.

Sipas Per Söderpalm, përgjegjës për opinionin në Verian, diferenca mes dy liderëve është ngushtuar ndjeshëm.

“Besimi për Magdalena Andersson nuk është më një avantazh i madh për Socialdemokratët. Tani ajo ka vetëm 4 pikë më shumë besim se Ulf Kristersson. Para katër vitesh diferenca ishte 26 pikë,” tha ai për SVT.

Në fund të listës së besimit ndodhet liderja e Liberalëve, Simona Mohamsson, me vetëm 6%. Matja është bërë para se ajo të ndryshonte qëndrimin e saj lidhur me bashkëpunimin me SD. Për krahasim, Magdalena Andersson ka 44% besim.

Sipas matjes, niveli i besimit për liderët e partive është si më poshtë:

• Magdalena Andersson: 44% (−7)
• Ulf Kristersson: 40% (+4)
• Jimmie Åkesson: 32% (−1)
• Ebba Busch: 31% (+1)
• Amanda Lind: 16% (+3)
• Nooshi Dadgostar: 15% (−1)
• Daniel Hellden: 8% (+1)
• Elisabeth Thand Ringqvist: 7% (+1)
• Simona Mohamsson: 6% (+3)

Ndryshimet në përqindje janë treguar në kllapa.

Matja është bazuar në përgjigjet e 1,000 personave, të cilëve iu bë pyetja:

“Sa i madh është besimi juaj për secilin lider partie?”

Burimi: SVT

Link: https://www.svt.se/nyheter/inrikes/magdalena-andersson-s-tappar-i-valjarfortroende