Kristersson jep deklaratën e qeverisë. Emigracioni në qendër të deklaratës së qeverisë

Kryeministri suedez Ulf Kristersson (M) mbajti sot deklaratën e qeverisë pas hapjes së sesionit parlamentar nga mbreti.

Në fjalën e tij, ai e nisi me një mesazh pozitiv për vendin:

Suedia është fantastike. Të gjithë ne kemi arsye të jemi mirënjohës që kjo tokë është e jona, u shpreh Kristersson.

Një pjesë e madhe e fjalimit iu kushtua politikës së emigracionit. Kryeministri theksoi se:

• kërkesat për azil kanë rënë me gati 60% që nga viti 2022,
• kthimet e emigrantëve janë rritur në të njëjtën masë,
• këto ndryshime janë rezultat i një politike për “rregull dhe disiplin” në sistemin e azilit.

Ai shtoi se Suedia për një kohë të gjatë ishte një shembull negativ në Bashkimin Europian, por se sot nuk është më ashtu.

Kristersson foli edhe për rëndësinë e një bashkësie vlerash suedeze, duke theksuar se atyre që vendosin të emigrojnë në vend u vendosen kushte të qarta për t’u përshtatur.