Kristersson: Mos sillni urrejtjen nga Lindja e Mesme në Suedi

Kryeministri i Suedisë, Ulf Kristersson, ka reaguar pasi disa politikanë suedezë janë kërcënuar dhe sulmuar nga aktivistë gjatë ditëve të fundit.

Ai thotë se këto veprime janë rrezik për demokracinë dhe nuk kanë vend në një shoqëri si Suedia. Në një deklaratë për gazetën Aftonbladet, Kristersson shprehet se disa persona po përhapin urrejtje, gënjeshtra, lavdërim të terrorizmit dhe antisemitizëm, gjë që po krijon ndasi në shoqëri.

“Mos i sillni konfliktet e Lindjes së Mesme në rrugët dhe sheshet tona,” shkroi ai.

Kryeministri thekson se është detyrë e të gjithëve të mbrojnë paqen dhe demokracinë në vend.