Kritika e Partisë Socialdemokrate (S): A është madje e ligjshme të tërhiqen lejet e përhershme të qëndrimit?

Socialdemokratët në Suedi po e kundërshtojnë propozimin e qeverisë për tërheqjen e lejeve të përhershme të qëndrimit, shkruan gazeta Dagens Nyheter.

Zëdhënësja e Socialdemokratëve për çështjet e emigracionit, Ida Karkiainen, shprehet se propozimi është shumë problematik. Ajo thotë se bëhet fjalë për tërheqjen e vendimeve që u janë dhënë njerëzve vite më parë dhe se lind pyetja serioze nëse një veprim i tillë është fare i ligjshëm.

Propozimi aktualisht ndodhet në procesin e konsultimit publik. Ai ka marrë kritika të forta nga disa institucione dhe organizata. Mes tyre është edhe Justitiekanslern (Avokati i Shtetit), i cili vlerëson se propozimi bie ndesh me të drejtën ndërkombëtare.

Edhe Kisha Suedeze ka reaguar ndaj këtij propozimi. Ajo ka paralajmëruar se nisma “ngre pyetje serioze për sigurinë juridike dhe dinjitetin njerëzor” dhe se mund të ketë pasoja veçanërisht të rënda për fëmijët dhe të rinjtë.

Nga ana tjetër, qeveria thotë se qëllimi i këtij propozimi është që më shumë persona me leje të përhershme qëndrimi të aplikojnë për shtetësi suedeze.