Krizë ambulancash në Stokholm. Opozita akuzon rajonin për papërgjegjësi

Në Stokholm ka mungesë të madhe ambulancash dhe ndonjëherë nuk ka mjaftueshëm mjete për t’u përgjigjur thirrjeve urgjente. Sindikata ka paralajmëruar se kjo situatë rrezikon jetën e pacientëve.

Opozita kritikon ashpër drejtuesit e rajonit dhe kërkon që këshilli rajonal të mblidhet urgjentisht, para se të mbyllet java. Sipas Kristoffer Tamsons nga Moderatët, rajoni ka detyrimin të sigurojë funksionimin normal të shërbimit, pasi ambulancat në Stokholm menaxhohen nga vetë rajoni.

“Të mos thërrasësh menjëherë këshillin rajonal është e papërgjegjshme. Nuk mund të presim javë me shpresë që problemi të zgjidhet vetë”, tha Tamsons.

Rajoni, nga ana tjetër, thotë se ka ndërmarrë disa masa për të zbutur krizën, ndërsa më 5 gusht është planifikuar një mbledhje krize.

Burimi: Miit-i