Krona suedeze forcohet nga investimet në mbrojtje

Krona suedeze është rritur ndjeshëm këtë vit dhe ka fituar 10%  kundrejt dollarit. Gazeta britanike Financial Times e ka krahasuar me një “euro me steroide”.

Ekspertja e valutave në SEB, Amanda Sundström, e cilëson këtë forcim si të papritur, duke pasur parasysh pasigurinë globale. Zakonisht, në kohë krizash, investitorët shmangin monedhat e vogla dhe preferojnë ato më të mëdha dhe më të qëndrueshme, si dollari apo euro.

Por sipas saj, arsyeja kryesore për rritjen e vlerës së kronës është buma e pritshme në sektorin e mbrojtjes. Suedia pritet të përfitojë nga rritja e shpenzimeve për mbrojtjen, dhe kjo ka rritur besimin te ekonomia e vendit.

— Krona po forcohet për shkak të pritshmërive për një ekonomi më të mirë. Por nëse këto pritshmëri nuk realizohen, atëherë kjo tendencë mund të ndalet, — thotë Sundström për SR Ekot.